Жаңа жыл-жаңа белес!

https://youtu.be/o_JO4HMEI18

“Көгершін” тобының кішкентай бүлдіршіндері жаңа жылдық ертеңгілікке ерекше дайындықпен келді. Зал мерекелік безендіріліп, жап-жасыл шыршаның әсемдігі көздің жауын алды. Ертеңгіліктің шымылдығын аша отырып, Аяз ата мен Ақшақар сахнаға шықты. Олар өздерінің мәнерлі тақпақтарымен балалардың көңілін көтеріп, мерекелік көңіл-күйге бөледі. Кенеттен, сыйлық толы қапты көтере алмай әлек болған аю сахнаға кіріп келді. Балалардың қызығушылығын арттыра түсіп, Жылан жыл басы екенін хабарлады. Осыдан кейін, қыздар өздерінің жарқыраған шамдармен әрленген көйлектерін киіп, Ақшақарлар биін биледі. Сахнада нағыз сиқырлы әлем жанданды. Ерке балалар болса “Құртақандар” және “Көк Жигули” билерін нақышына келтіре орындап, көрермендердің қошеметіне бөленді. Әрбір би, әрбір өлең балалардың қуанышын, мерекелік шаттығын паш етті. Ертеңгілік соңында барлық балалар мен кейіпкерлер бірге ән айтып, би билеп, көңілді мерекелік атмосфераны жалғастырды.