27
февраль
2026
«Аяулы әже, ардақты ана!»
«Жұлдыз» кіші тобында (2 жастағы балалар) «Аяулы әже, ардақты ана!» атты мерекелік ертеңгілік жоғары деңгейде ұйымдастырылды. Бүлдіршіндер аналары мен әжелеріне арналған қарапайым өлең жолдарын айтып, би қимылдары арқылы өздерінің мейірімге толы сезімдерін білдірді. Топ ішінде «Көктем гүлдері!» атты көрме жасалып, балалардың шығармашылық жұмыстары арқылы көктемнің әсем көрінісі бейнеленді. Іс-шараны тәрбиешілер Наурызбаева Ж.К. мен Бейсенбаева Б.О. жас ерекшеліктеріне сай ойын элементтерімен қызықты әрі мазмұнды етіп өткізді. Ертеңгілік балалардың адамгершілік қасиеттерін дамытып, жақын жандарға деген сүйіспеншілік пен құрмет сезімдерін қалыптастыруға ықпал етті. #балалардыертедамытуинституты