Ата-аналарға арналған консультативтік пункттің жұмысы
«АЛМАТЫ ОБЛЫСЫ БІЛІМ БАСҚАРМАСЫНЫҢ ЖАМБЫЛ АУДАНЫ БОЙЫНША БІЛІМ БӨЛІМІ» МЕМЛЕКЕТТІК МЕКЕМЕСІНІҢ «АҚҚАЙЫҢ» БӨБЕКЖАЙЫ КОММУНАЛДЫҚ МЕМЛЕКЕТТІК ҚАЗЫНАЛЫҚ КӘСІПОРНЫ
«Ойын ойнап ән салмай өсер бала болар ма?»
Музыкалық ойындар арқылы ата-ананың бала тәрбиесіне сіңіретін рөлі.
Музыкалық ойындарды қалай ұйымдастыруға болады?
Орындаған музыка жетекшілері :
Қараш Л.Қ. , Қараш Н.Қ.
Ұзынағаш 2023 ж.
Болашақ ұрпақты жан - жақты білімді, мәдениетті етіп тәрбиелеу - бүкіл халықтық іс болып саналады. Соның ішінде жас бала жас талшыбық секілді. Ата - ананың бала тәрбиесіне сіңіретін рөлі зор. Қазақта мынадай нақыл сөздер бар : «Ойын ойнап ән салмай өсер бала болар ма» . Ия мектепке дейінгі бала ойын ойнап өседі, ойын арқылы дамиды. Жалпы дидактикалық және қимылды ойындардың түрлері көп. Ойындардың бәрі қоршаған ортамен тығыз байланысты болып келеді. Соның ішінде «Дыбысынан тап», «Соқыр теке» , «Көңілсіз , көңілді», «Кішкентай торғай, үлкен торғай», т.б.
Музыкалық ойындарды қалай ұйымдастыруға болады ?
Музыкалық ойын ойнауды тек балалар ғана жақсы көреді деп ойлау қате пікір. Үлкен адамдарда ойын ойнауды жақсы көреді. Соның ішінде әсіресе ата – аналармен бірге балалардың бірлесіп ойнауы. Бұның өзін жақсы үрдіске айналдыруға болады. Осындай бірлесіп ойнау арқылы бала мен ата - ананың арасында бір - бірлеріне деген сенімділік, түсіністік өрбиді. Осындай ойындар түрлеріне музыкалық ойындарды қарастырып көрсек.
Мысалға музыкалық іс-әрекетіндегі ән үйрену бөлімінде үйретілген әнді шеңбер бойымен орындаса болады немесе екі жолын анасы орындаса, баласы үшінші және төртінші жолдарын орындайды. Ал қайырмасын барлық ойыншылар бірігіп орындаса, ойын осындай тәртіппен жалғасын тауып отырады .
Отбасындағы бірлескен ойын (ойын ойнау барысында баяу релаксациялық музыка ойналып тұруы тиіс )
«Мадақтау» ойынының ережесі
Ата - аналар мен балалар шеңбер бойымен қол ұстасып тұрады.Қасында тұрған ойыншыны сөзбен мақтап, жылы сөздер айтуы қажет. Көрші тұрған ойыншы басын изеп: «Рахмет, мен бұл сөздерге қуанып қалдым деп қасындағы келесі ойыншыға жылы сөздерін арнайды». Бұл ойын шеңбер бойымен ойнатылып, әрі барлық ойыншыларды қамтуы тиіс. Ойынның соңында ойыншылар баяу музыка ырғағына сай музыкалық - ырғақты қимылдар жасайды.
Нұсқаулық :
1. Кей балалар мақтау сөздерін айта алмауы мүмкін.Бұндайда көмектесіп жіберген абзал. Немесе мақтау сөздерінің орнына балаға анаңды қалай құшақтайсың деуге болады.Сонда бала анасына деген махаббатын құшақтау арқылы білдіреді.
2.Егер бала ешқандай әрекет жасай алмаса, мақтау сөзді өзің айтып, балаға сол сөздерді қайталатсаң болады. Сонда балаға ойын ойнауға деген белсенділік дами түседі.
«Мен былай билеймін» атты музыкалық - ырғақтық қимылды ойынының ережесі :
Ойынға қатысушылар шеңбер бойымен тұрады. Ойынды бастаушы былай дейді:
«Менің есімім Мөлдір, мен музыка әуеніне сай билеймін (ерекше қимыл - қозғалыс орындайды ). Келесі ойыншы бірінші ойыншының қимыл - қозғалыстарын орындап былай дейді : Бұл қыздың есімі Мөлдір, ол мынадай қимылдар жасады.Ал менің есімім Азамат, мен мынадай қимылдар жасаймын ( Азамат музыка әуеніне сәйкес өз қимыл - қозғалыстарын орындайды ).Ойын осындай ретпен жалғасын табады. Ен соңғы ойыншы да өз есімін айтып, өз қимыл - қозғалыстарын орындайды.
Нұсқаулық : Бұл ойында баланың қимыл - қозғалысы музыкамен сүйемелденіп отырады.Немесе бала естіген әуенге сай өз биін ойлап табады.Осы ойын арқылы баланың музыкалық - ырғақтылық қабілетімен қатар коммуникативтік қабілеті, әрі шығармашылық қабілеттері оянады.
"Музыкалық аспаптарды үнінен таны " дидактикалық ойынының ережесі
( білімді дамыту )
Музыка жетекшісі ата - аналармен балаларды екі командаға бөледі. «Білімділер», және «Зеректер» деп.
Екі команданың сайыскерлеріне бірдей берілетін тапсырма қойылады.
Аспаптардың дыбысын ажырату:
1.Фортепиано ойналады
2.Домбыра тартылады
3.Сырнайда ойналады
4.Бубен ырғағы соғылады
5.Үшбұрыш ойналады
Екі команданың ойыншылары аспаптарды дыбыстарынан табуға талаптанады. Аспаптар үнің ажыратқан команда жеңімпаз болады.