«Педагогтың құқықтары мен міндеттері: заң аясында»

Алматы облысы, Жамбыл ауданы «Аққайың» бөбекжайында «Педагогтың құқықтары мен міндеттері: заң аясында» тақырыбында тренинг өткізілді. Шара «Заң мен Тәртіп» идеологиясын ілгерілету мақсатында ұйымдастырылды. Оған бөбекжайдың 31 педагогы белсенді қатысып, құқықтық сауаттарын арттыруға мүмкіндік алды. Тренинг барысында педагогтарға өз құқықтары мен кәсіби міндеттері жан-жақты түсіндірілді.
Қатысушыларға жағдаяттық тапсырмалар ұсынылып, заң тұрғысынан шешу жолдары талқыланды. Педагогтар топтарға бөлініп, нақты жағдайларды талдап, ортақ шешімге келді. Шара барысында қатысушылар өз тәжірибелерін бөлісіп, пікір алмасу арқылы білімдерін тереңдетті.
Қорытындысында заң талаптарын сақтау мен кәсіби жауапкершіліктің маңыздылығы ерекше атап өтілді. Іс-шара педагогтардың құқықтық мәдениетін қалыптастырып, кәсіби біліктілігін арттыруға үлкен үлес қосты. 
Дайындаған: Әдіскер Токтамысова А.О.
Мектепке дейінгі ұйым: «Аққайың» бөбекжайы КМҚК, Алматы облысы, Жамбыл ауданы