👍 «FaceTook LIVE – Шабыт бағы» 🌟
2026 жылғы 29 мамыр күні «Аққайың» бөбекжайында «FaceTook LIVE – Шабыт бағы» атты №5 қорытынды педагогикалық кеңес ерекше шығармашылық форматта ұйымдастырылып, бір оқу жылының нәтижелері заманауи көзқараспен қорытындыланды. Кеңес барысында педагогтер өз жетістіктерін «пост», «сторис», «лайк» және «реакция» форматында ұсынып, кәсіби тәжірибелерімен бөлісті. Музыка залы әлеуметтік желі стилінде безендіріліп, «Шабыт бағы» композициясы ұжымның бірлігін, шығармашылығын және кәсіби өсуін айшықтады. Басшы Г.Д. Сейполдаева өткен педагогикалық кеңес шешімдерінің орындалуына талдау жасап, жыл бойы атқарылған жұмыстардың нәтижесін «жаңалықтар лентасы» арқылы таныстырды. Әдіскер А.О. Токтамысова оқу жылының маңызды оқиғаларын қамтыған «Жыл айнасы» бөлімінде педагогтердің жетістіктері мен тәрбиеленушілердің даму көрсеткіштерін әсерлі түрде ұсынды. Медбике Г.С. Шоханова денсаулық сақтау бағытындағы жұмыстарды «Денсаулық марафоны LIVE» форматында көрсетіп, салауатты өмір салтын насихаттады. Шығармашылық алаңда педагогтер өздерінің авторлық әдістері мен инновациялық технологияларын ұсынып, қатысушылар тарапынан жоғары бағаланды. Педагог-психолог Ж.К. Курамысова балалардың даму динамикасы мен сөйлеу жетістіктерін бейнероликтер мен көріністер арқылы таныстырып, көрермендердің ерекше ықыласына бөленді. Кеңес соңында «Дара ағаш» әдісі арқылы келер оқу жылына арналған ұсыныстар жинақталып, ең көп қолдау мен реакцияға ие болған педагог «2026 жылдың шабытты педагогтері» марапатталып, «Шабыт бағы» бір жылдық еңбектің, ізденістің және табыстың символына айналды.