«Мектепке дейінгі ұйымның үздік педагогі» республикалық байқауының бөбекжайішілік кезеңі
«Мектепке дейінгі ұйымның үздік педагогі» республикалық байқауының бөбекжайішілік кезеңінің қорытындысы
2026 жылғы 30 қаңтар күні «Аққайың» бөбекжайы КМҚК базасында «Мектепке дейінгі ұйымның үздік педагогі» республикалық байқауының бөбекжайішілік кезеңі ұйымдастырылып, өткізілді. Байқаудың мақсаты – мектепке дейінгі білім беру ұйымдары педагогтерінің кәсіби шеберлігін арттыру, озық педагогикалық тәжірибені анықтау және тарату, шығармашыл, жаңашыл ұстаздарды қолдау.
Байқау барысында қатысушылардың бейнероликтері мен педагогикалық портфолиолары белгіленген талаптарға сәйкес жан-жақты қарастырылып, педагогтердің кәсіби құзыреттілігі, инновациялық әдіс-тәсілдерді қолдану деңгейі, білім беру салаларын кіріктіруі, балалардың танымдық белсенділігін арттыруға бағытталған іс-тәжірибелері сарапталды. Комиссия мүшелері педагогтердің шығармашылық ізденісі мен кәсіби жауапкершілігін жоғары бағалады.
Бағалау нәтижелері бойынша жүлделі орындар мен номинациялар төмендегідей бөлінді:
Гран-при иегері – Джундибаева Гульнур Алпысбаевна.
Педагог байқау барысында кәсіби шеберлігін, заманауи педагогикалық технологияларды тиімді қолдану тәжірибесін, балалардың қызығушылығын арттыруға бағытталған әдістемелік ізденісін жоғары деңгейде көрсетті. Ұсынған материалдары мазмұндылығы мен практикалық маңыздылығымен ерекшеленді. Облыстық кезеңге қатысуға ұсынылды.
І орын – Молдабаева Гульшат Бейсенбаевна.
Білім беру процесін ұйымдастыруда инновациялық тәсілдерді тиімді қолдана отырып, оқу-тәрбие жұмысының сапасын арттыруға бағытталған жүйелі жұмысымен көзге түсті. Педагогикалық портфолиосы тәжірибелік құндылығымен бағаланды.
ІІ орын – Алшатаева Мейрамкуль Асылбековна.
Педагог өз жұмысында балалардың жас ерекшеліктерін ескере отырып, дамытушы ортаны ұйымдастырудың тиімді үлгілерін ұсынды. Әдістемелік материалдарының мазмұны мен құрылымы талаптарға толық сәйкес келді.
ІІІ орын – Дондагулова Салтанат Болатовна, Чатбаева Сияпат Бахытқызы.
Қатысушылар педагогикалық үдерісте шығармашылықпен жұмыс істей отырып, білім беру салаларын кіріктірудің тиімді жолдарын көрсетті. Ұсынған тәжірибелері тәжірибелік маңызы бар жұмыстар ретінде бағаланды.
Номинациялар бойынша жеңімпаздар:
«Шебер педагог» – Сванбекова Анар Жакышбековна.
Кәсіби шеберлігімен, педагогикалық әдістерді сауатты қолдануымен және тәжірибелік жұмыстардың жүйелілігімен ерекшеленді.
«Өнерлі педагог» – Наурызбаева Жанна Касымжановна.
Балалардың шығармашылық қабілеттерін дамытуға бағытталған көркем-эстетикалық бағыттағы жұмыстарымен көзге түсті.
«Жаңашыл педагог» – Бейсенбаева Балжан Оразбекқызы.
Оқу-тәрбие үдерісіне жаңашыл идеялар мен инновациялық тәсілдерді енгізу арқылы педагогикалық ізденісін көрсетті.
Байқауға қатысқан педагогтердің барлығы кәсіби дайындық деңгейін, шығармашылық әлеуетін және өз ісіне жауапкершілікпен қарайтынын дәлелдеді. Жеңімпаз педагогтер ұжымның мақтанышы болып табылады және олардың тәжірибесі алдағы уақытта әдістемелік жұмыстарда үлгі ретінде таратылады.
