26
февраль
2026
«Аяулы әже, ардақты ана!»
«Аққу» кіші тобында (2 жастағы балалар) адамгершілік тәрбиеге бағытталған «Аяулы әже, ардақты ана!» атты ертеңгілік жоғары деңгейде ұйымдастырылды. Іс-шара барысында бүлдіршіндер аналары мен әжелеріне арналған қарапайым тақпақтар айтып, ән шырқап, мейірімділік пен сүйіспеншілік сезімдерін қимыл-қозғалыс арқылы жеткізді. Топта «Көктем гүлдері!» атты көрме безендіріліп, балалардың көктем туралы алғашқы түсініктері шығармашылық жұмыстар арқылы көрсетілді. Ертеңгілікті тәрбиешілер Молдабаева Г.Б. мен Алшатаева М.А. жас ерекшеліктеріне сай ойын элементтерімен қызықты әрі әсерлі етіп ұйымдастырды. Шара балалардың жақын жандарға деген құрметін арттырып, жылы эмоциялық орта қалыптастыруға ықпал етті.