04
июнь
2025
«Рәміздерді білеміз бе?» атты интеллектуалды ойын
4 маусым күні «Көгершін» ересек тобының (4 жастағы балалар) қатысуымен «Рәміздерді білеміз бе?» атты интеллектуалды ойын жоғары деңгейде ұйымдастырылып өтті. Іс-шараның мақсаты — бүлдіршіндердің Қазақстан Республикасының мемлекеттік рәміздері туралы білімдерін бекіту, есте сақтау қабілеттерін арттыру, патриоттық сезімдерін оятып, топ ішінде бірлік пен командалық рухты қалыптастыру болды. Ойын барысында балалар мемлекеттік ту, елтаңба және әнұран туралы танымдық тапсырмалар мен сұрақтарға белсене қатысып, өз білімдерін көрсете білді. Әр бала өз елінің рәміздеріне деген құрметін шынайы ықыласпен жеткізді. Интерактивті ойын түрлері арқылы балалар тек ойнап қана қоймай, ұлттық сана-сезім мен мақтаныш сезімін бойларына сіңіре алды. Іс-шараны ұйымдастырған тәрбиеші Алшатаева Мирамкүл Асылбекқызы балалардың жас ерекшелігіне сай мазмұнды тапсырмалар таңдап, тәрбиелік маңызы зор жұмысты жоғары деңгейде жүргізді. Іс-шара эмоционалды әрі қызықты өтті, балалардың жүзінен қуаныш пен қызығушылық байқалды. Бұл танымдық шара — мектепке дейінгі ұйымдағы патриоттық тәрбие жұмысының жарқын үлгісі болды.