15
декабрь
2024
«Көк тудың желбірегені»
https://youtu.be/QUlgpqhqO2A
16 желтоқсан – Қазақстан Республикасының Тәуелсіздік күніне арналған іс-шаралар аясында, «Көгершін» ересек тобында «Көк тудың желбірегені» тақырыбында тақырыптық ұйымдастырылған іс-әрекет өтті. Тәрбиешілер М.А. Алшатаева мен Г.Б. Молдабаеваның ұйымдастыруымен өткен бұл шара, балалардың патриоттық сезімін оятып, еліміздің Тәуелсіздігінің маңыздылығын терең түсінуге бағытталды.
Іс-әрекет барысында балалар Қазақстанның мемлекеттік рәміздері – Көк ту, Елтаңба және Гимн туралы білімдерін толықтырды. Тәрбиешілер балаларға еліміздің тарихы мен тәуелсіздікке жету жолы туралы қызықты әңгімелер айтып берді. Балалардың жас ерекшеліктерін ескере отырып, әңгімелесу, бейнематериалдар көрсету, патриоттық өлеңдер оқу және ұлттық ойындар ойнау арқылы іс-шараны қызықты өткізуге бар күш салынды. Балалар туған жерге, Отанға деген сүйіспеншіліктерін ән айтып, би билеп, сурет салу арқылы білдірді.
М.А. Алшатаева мен Г.Б. Молдабаеваның шебер ұйымдастыруының арқасында балалардың әрқайсысы іс-әрекетке белсенді қатысып, өз ойларымен бөлісті. Балалардың патриоттық рухы көтеріліп, өз елінің азаматы болуға деген құрметтері артты. Бұл іс-шара балалардың бойына отансүйгіштік қасиеттерді сіңіруде маңызды қадам болды