13
декабрь
2024
«Көк тудың желбірегені»
https://youtu.be/9IcfBIy5OJw
«Көбелек» мектепалды тобында 16 желтоқсан – Қазақстан Республикасының Тәуелсіздік күніне арналған «Көк тудың желбірегені» атты тақырыптық ұйымдастырылған іс-әрекеті өткізілді. Бұл іс-шараны Шаджабаева Б.Т. және Асубаева А.Н. педагогтері дайындап, балалардың патриоттық сезімдерін оятуға, Отанға деген сүйіспеншіліктерін арттыруға бағытталды.
Кішкентай «Көбелектер» мерекелік көңіл-күйге бой алдырып, тазалықпен безендірілген топ бөлмесінде жиналды. Іс-шара барысында педагогтер балаларға Қазақстанның Тәуелсіздігінің маңызын түсіндіріп, ел тарихынан қызықты фактілер мен оқиғалар айтып берді. Көк тудың тарихы, оның рәміздері туралы айтылып, балалар туымыздың әрбір элементінің мағынасын түсінді.
Іс-шара барысы әртүрлі әдіс-тәсілдермен өрілді: сурет салу, қол өнерлерімен айналысу, өлеңдер жаттау, ән айту, ойындар ойнау. Балалар өздерінің шығармашылық қабілеттерін көрсетіп, көк туды бейнелейтін суреттер салып, ту жасап, отансүйгіштік тақырыбында өлеңдер оқыды. Ойындар арқылы балалар отансүйгіштік қасиеттерін дамытып, бір-біріне деген достық сезімдерін нығайта түсті.
Шаджабаева Б.Т. және Асубаева А.Н. педагогтерінің шебер ұйымдастыруы арқасында «Көк тудың желбірегені» тақырыбындағы іс-шара балалар үшін есте қалатын мерекелік оқиғаға айналды. Бұл іс-шара балалардың патриоттық тәрбиесіне оң ықпалын тигізіп, олардың Отанға деген сүйіспеншілігін арттырды.