Жылды қорытындылайық, құрметті әріптестер!

Міне, 2023 қоян жылы аяқталуға жақындады.. Бұл жыл біз үшін берекелі, кемелді, ырысты және ұмытылмастай болды деп мақтана айта аламыз. Бұл жылы біздің ұжым «Облыстық білім беруді дамыту оқу-әдістемелік орталығы» ұйымдастырған және бөбекжай қызметкерлерінің іс-тәжірибесін ұсынуымен  «STEM технологиясын мектепке дейінгі  ұйымдарда қолданудың тиімділігі» тәжірибелік алаң өткізілді. Тәжірибелік алаңда балабақшада STEM-білім беру жүйесінің модульдерін қолдану арқылы балалардың танымдық, зияткерлік қабілеттерін дамытуда өзара тәжірибе алмастық. Алаңға облыс көлеміндегі жеке меншік балабақшалардың тәрбиешілері келіп, іс-тәжірибе барысымен танысты.  Тәрбиешілер өз қоржынына көптеген маңызды тәжірибелерді жинақтағанын кері байланыс арқылы берді. Классикалық балалар әдебиеті арқылы балалардың оқуға деген қызығушылығын қалыптастыру үшін жағдай жасау мақсатында жоспарланған "Кітап құмар бала" жобасы аясында бөбекжайдың ересек және мектепалды топ балаларымен ауданымыздың көрнекті ақын жазушы қызы Сейілхан Роза Айтжанқызымен кездесу болды. Кездесу барысында Роза апайымыз балаларға балалық шағынан қызық сәттерін баяндады. Ата - ананы құрметтеу және қадірлеу, сыйлау қажеттілігі туралы балаларға ақыл-кеңесін берді. Роза Айтжанқызы  бөбекжайдағы "Кітап құмар бала" жобасы аясында ұйымдастырылған іс-шаралар туралы аудандық «Атамекен» 2023 жылға №3 cанына жариялады. Аталған жылы көптеген әр түрлі деңгейдегі конкурстардан 91   тәрбиеленушілеріміз жүлделі орындарға ие болды. Облыс көлемінде АҚ БАҰО «Өрлеу» ұйымдастырған "Жыл балабақшасы-2023" байқауынан І орынға ие болып,  марапатталдық. 1 педагогіміз облыс көлемінен «Мектепке дейінгі үздік педагог» байқауында ІІ орын иегері атанды. Бөбекжайда 1 педагог -зерттеуші,  3 педагог –модератор біліктілігімен педагогтердің санаты жоғарылады, сонымен 2  педагог -зерттеуші,  2 педагог –модератор, 7 педагог –модератор біліктілігімен сапамыз жоғарылады.  Мекемеміздің елеулі ең жоғары,  жетістігі аттестаттаудан өтті. "Пәндік құзыреттілік-мұғалімнің кәсібилігін анықтайтын фактор"  Алматы облысы "Педагогикалық шеберлік орталығы тарапынан оқу жылының басында педагогтерге  сабақта тиімді қызметті ұйымдастыру бойынша ұсыныстармен  қамтамасыз ету; әдістемелік және консультациялық көмек көрсету,  педагогтерге үздік педагогикалық тәжірибелерді өңірлік деңгейде таратуға мүмкіндік беру мақсатында ұйымдастырылған облыстық тамыз конференциясында  " МДҰ-да заттық дамытушы ортаны қолайлы ұйымдастыру  арқылы баланың эмоционалды жайлылығын оңтайлы қалыптастыру" тақырыбы аясында өткен шебер сыныпта бөбекжай әдіскері  іс-тәжірибесімен бөлісті. Аудан көлеміндегі іс-шараларда көптеген педагогтеріміз кәсібилігінің жемісі ретінде тәжірибелерін паш етті. Ұстаздар күнінде бала бағбандарына берілген үлкен марапатымыз Оқу-ағарту министрі Ғани Бейсембаевқа "Аққайың" бөбекжай ұжымы үшін үлкен алғыс хат есте қалардай құнды сый болды. "Бала мен балабақша" журналының  кезекті жарияланымына 20 педагоггіміз тәжірибе таратты. Облыстық АҚ БАҰО «Өрлеу» ұйымдастырған «Педагогикалық идеялар панорамас» байқауында ІІ орынды еншіледік.Аудандық білім бөлімі ұйымдастырған  «Табысты басшы» жобасы «Табысты балабақша» имиджін қалыптастырудағы инновациялық қызмет»  тақырыбындағы тәжірибелік алаң табыстылығымен есте қалды. Алматы  облыстық  әдістемелік орталығы ұйымдастыруымен өткен  «Білім беру аясында мектепке дейінгі ұйымдарда  әдіс-тәсілдерді тиімді қолдану» атты облыстық семинарда педагогіміз «Мектеп жасына дейінгі балалардың креативті және сыни ойлауын дамытуда ӨТШТ ойын технологиясының ерекшелігі» тақырыбындағы тәжірибесімен бөлісті.   Бөбекжайда "Мектеп жасына дейінгі баланы зияткерлік дағдысын ұлттық "Бестемше" ойыны арқылы дамыту және баланың креативтілікті, коммуникативтілікті, сыни  ойлауды және командада жұмыс істей білу дағдыларын яғни стандарт талаптарына сай барлық бес дағдыны дамытуға бағытталған және әлеуметтік-тұлғалық қасиеттерді қалыптастыру  мақсатында құрылған "Кел, ойнайық "Бестемше"  жобасы  сәттілікке жетелері анық. Сондықтан биылғы жылғы табысы мол, сәтті жыл болды деп мақтана айтсақ қателеспейтініміз анық. Алдағы жаңа 2024 жылдан күтер үмітіміз көп, жетістікке жетелер ұжымға алғыс. Сәттілік, құрметті ұжым!!!

Мекеме басшысы К.В.Жумабекова