20
декабрь
2024
«Қысқы ертегі»
https://youtu.be/y2zoJzGZ4iQ
«Жұлдыз» ерте жас тобының бүлдіршіндері 2024 жылдың 20 желтоқсанында ерекше көңіл-күймен, қуанышқа толы «Жаңа жылдық ертеңгілікке» қатысты. Сағат 09:30-да басталған бұл шара, балалардың эстетикалық тәрбиесіне ерекше назар аударылғандығымен есте қалды.
Ертеңгілік өткен зал, жаңа жылдық нақышта әдемі безендірілген. Жарқыраған шырша, түрлі-түсті ойыншықтар, қысқы ертегі кейіпкерлері балаларды жаңа жылдық ғажайып әлемге жетеледі. «Қысқы ертегі» атты көрме де, тастанды материалдардан жасалған, балалардың шығармашылық қабілетін, қиялын дамытуға арналған, ерекше туындылар болды.
Ертеңгіліктің бағдарламасы 1 жастағы балалардың жас ерекшеліктеріне сай құрылған. Балалар жаңа жылдық әндерді айтып, тақпақтарды мәнерлеп оқыды. Қызықты ойындар ойнап, би биледі. Ертеңгілік барысында балалардың көңіл-күйлері көтеріңкі, қуанышқа толы болды.
Тәрбиешілер балалармен бірге ертеңгілікке белсене қатысты. Олар балаларға қолдау көрсетіп, әр іс-әрекетке бағыт беріп отырды. Тәрбиешілердің шеберлігі мен шығармашылдығы ертеңгіліктің сәтті өтуіне зор ықпал етті.
“Жұлдыз” тобының жаңа жылдық ертеңгілігі, балаларға ғажайып әлемге саяхат жасағандай әсер қалдырды. Ертеңгілік балалардың эстетикалық талғамын дамытуға, жаңа жылдық көңіл-күй сыйлауға бағытталды. Балалардың жүздеріндегі күлкі мен қуаныш – осы шараның ең үлкен жетістігі болды.