30
декабрь
2024
Қош келдің, Жаңа жыл!
https://youtu.be/NEAyxm8Peek
Жаңа жыл мерекесі – балалар үшін ерекше қуанышты, ғажайыпқа толы сәт. Бүгін «Көбелек» мектепалды тобының 5 жастағы бүлдіршіндері әдемі безендірілген шырша маңына жиналды. Мерекелік шараның басында балалар шыршаның жанында әдемі ән айтып, жаңа жылдық тақпақтарын мәнерлеп оқыды. Кенет, залға Мыстан кемпір кіріп келіп, ертеңгіліктің көңілді басталуына себеп болды. Өзінің қызықты әзілі мен ерекше әрекеттерімен балалардың көңілін көтеріп, мерекелік атмосфераны одан әрі жандандырды. Көп ұзамай мерекенің басты қонақтары – Ақшақар мен Аяз ата келіп, балаларды Жаңа жылмен құттықтады. Олар балалармен бірге қызықты ойындар ойнап, ән айтып, би биледі. Мереке барысында ата-аналар да белсенді қатысып, көңілді ойындарға араласты. Балалар өз өнерлерін көрсетіп, Аяз ата мен Ақшақардан сыйлықтарға ие болды.