05
июнь
2025
«Мен елімнің мақтанышымын!»
https://youtu.be/_rsUvKzi4II
2024 жылғы 5 маусым күні «Көгершін» ересек тобында (тәрбиеші: Алшатаева Мейрамкүл Асылбековна) «Мен елімнің мақтанышымын!» тақырыбында ұйымдастырылған іс-әрекет жоғары деңгейде, мазмұнды әрі тәрбиелік мәні зор түрде өтті. Балалар өз Отанына деген сүйіспеншілігін жүрекпен сезініп, көркем сөзбен жеткізді. Әр бала жаттаған тақпақтарын мақтанышпен, әсерлі интонациямен орындап, көрерменнің ыстық ықыласына бөленді. Тақырыпқа сай безендірілген көрме алаңында балғындардың салған суреттері ерекше әсер қалдырды. Олардың әр туындысынан балалық тазалықпен қатар, туған жерге деген махаббат көрініс тапты. Іс-шара соңында ашық аспан астында ұлттық ойындар ұйымдастырылып, балалар шынайы қуаныш пен көтеріңкі көңіл күйде ойнап, ұйымшылдық танытты. Отанға деген құрмет, ұлттық құндылықтар мен патриоттық сезімді сіңіруге бағытталған бұл іс-әрекет балалардың бойында рухани байлық пен елжандылық қасиетті қалыптастыруға ықпал етті. Іс-шара мақсаты толық орындалды, тәрбиеші мен балалардың белсенділігі мен шығармашылығы ерекше байқалды.