09
июнь
2025
Жас із кесушілер
https://youtu.be/2YupdVvM1Z4
2024 жылдың 9 маусым күні жас із кесуші Дондагулова Салтанат Болатовнаның жетекшілігімен өткен «Із кесуші деген кім?» тақырыбындағы ұйымдастырылған іс-әрекет өз мақсатына жетіп, жоғары деңгейде өтті. Балалардың танымдық қызығушылығын арттыруға бағытталған бұл іс-шара тартымды ұйымдастырылды және баланың шығармашылық әлеуетін дамытуға үлкен септігін тигізді. Іс-әрекет барысында дәстүрлі емес тәсілдер арқылы сурет салу жұмысы жүргізіліп, балалар қиялдарын еркін жеткізе алды. Түрлі түсті бояулар мен ерекше әдістерді қолдану арқылы балалар өз іздерін бейнелеп, ерекше шабытпен жұмыс істеді. Қимылды ойындар да балалардың көңілінен шығып, белсенділік танытуға мүмкіндік берді. «Өз түсіңді тап», «Жасырынбақ», «Жалауды тап» сияқты ойындар арқылы балалар шапшаңдық пен зейінділік дағдыларын дамытып, бір-бірімен қарым-қатынас жасауға үйренді. Танымдық бөлігінде «Із кесуші деген кім?» тақырыбында балалармен әңгімелесу өткізілді. Жетекші сұрақтар арқылы тәрбиеші балаларды еркін ойлауға, өз пікірлерін ашық айтуға жетеледі. Сонымен қатар, ертегіден үзінді оқу арқылы балалардың қиял әлемі кеңейіп, тіл байлығы дамыды. Іс-әрекеттің соңында балаларға «Із кесуші» мультфильмі көрсетілді. Мультфильм арқылы олар із кесушінің әрекеттерімен, батылдығымен, әділдігімен және шапшаңдығымен танысып, үлкен әсер алды. Қорытындысында балалардың белсенділігі жоғары болды, олар берілген тапсырмаларды қызығушылықпен орындап, бір-бірімен ынтымақтастықта әрекет етті. Іс-әрекет барысында балалардың шығармашылық, коммуникативтік, танымдық дағдылары үйлесімді дамып, бұл жұмыс тиімді әрі мазмұнды өтті.