10
июнь
2025
«Жануарлар мен аңшылар»
https://youtu.be/KZ3Gfi0m-OM
10 маусым күні «Жануарлар мен аңшылар» тақырыбында ұйымдастырылған іс-шара топта жоғары деңгейде өтті. Тәрбиеші Бейсенбаева Гүльнур Гостелловна балалармен өте шебер жұмыс жүргізіп, шығармашылық пен танымдық белсенділікті ұштастыра білді. Іс-шара барысында балалар «Жануарлар», «Құстар», «Гүлдер» тақырыбындағы альбомдарды қызығушылықпен қарап, табиғат туралы білімдерін кеңейтті. «Табиғатты қорғау» тақырыбында төсбелгілер жасап, өз қолдарымен табиғатқа жанашырлықтарын білдірді. Сурет салу сәтінде балалар «Жайлаудағы үй жануарлары», «Орман жануарлары», «Менің сүйікті жануарым» сынды әртүрлі тақырыптарда өз қиялдарын қағаз бетіне түсіріп, сурет өнеріне деген қызығушылықтарын танытты. Тәрбиеші балалардың жеке қызығушылығын ескеріп, еркін шығармашылыққа жол ашты. Құммен және сумен жасалған тәжірибе жұмыстары балалардың зерттеушілік қабілетін дамытып, «Аңдар үйшігі» құрылысы арқылы бірлесіп әрекет етуге үйретті. Қимылды ойындар — «Жануарды ізінен тану», «Бақтағы қояндар», «Ұста да ата» арқылы балалар сергіп, дене қимылын дамытып, ұжымдық қарым-қатынас дағдыларын жетілдірді. Гүльнур Гостелловнаның ұйымдастырушылық қабілеті, жылы қарым-қатынасы мен шығармашылық көзқарасы балалардың қызығушылығын арттырып, іс-шараның мазмұнды әрі тәрбиелік мәні зор өтуіне сеп болды. 🌿 Жалпы алғанда, іс-шара жоғары деңгейде ұйымдастырылып, балалар үшін танымды әрі қызықты күн болды.