16
март
2026
«Бәйшешек бүр жарғанда»
⚜️⚜️⚜️16 наурыз – Мәдениет және ұлттық салт-дәстүр күні «Бәйшешек» ересек тобында өткен «Бәйшешек бүр жарғанда» атты театрлық қойылым табиғаттың жаңаруы мен ұлттық дәстүрдің сабақтастығын нәзік үйлесіммен бейнеледі. Сахнаға шыққан Көктем ханшайымы балаларды оятып, бәйшешектердің бүр жаруымен бірге өмірдің жаңа тынысын сезіндірді. Қойылым барысында «Бесікке салу» мен «Тілашар» сияқты салт-дәстүрлер ата-аналардың қатысуымен көркем түрде көрсетіліп, ұлттық құндылықтардың мәні терең ашылды. Балалардың «Арқан тарту» ойынын орындауы мен ұлттық би флешмобы көрерменге шаттық пен ерекше әсер сыйлады. Бәйшешек бейнесіндегі балалар әрбір көріністі жандандырып, қойылымның көркемдік мазмұнын байытып, әсерлі әрі мағыналы сипат берді.