16
март
2026
«Күншуақ ауылындағы тұсаукесер той»
⚜️⚜️⚜️16 наурыз – Мәдениет және ұлттық салт-дәстүр күні «Күншуақ» ересек тобында ұйымдастырылған «Күншуақ ауылындағы тұсаукесер той» атты театрлық қойылым ұлттық рух пен дәстүрге бай мазмұнымен ерекшеленді. Балалар киіз үй макеті айналасында шағын қазақ ауылын бейнелеп, «Наурыз әже», «Наурыз қыз», әжелер, сәбилер және «Бота» қуыршағы арқылы көріністі әсерлі жеткізді. Қойылым ұлттық әуенмен басталып, «Қара жорға» биінің элементтерімен әрленіп, әженің салт-дәстүрге байланысты жұмбақтарымен жалғасын тапты. Ең әсерлі сәттердің бірі – ата-аналардың қатысуымен өткен тұсаукесер рәсімі болып, балаға ақ жол тілеп, бата берілді. Шара соңында балалар «Шашу» биін билеп, ата-аналар өз тілектерін айтып, ұлттық тағамдар ұсынылып, мереке ерекше жылылықпен қорытындыланды.