12
декабрь
2024
"Жырың болып төгілемін, елім!"
https://youtu.be/Qhf5M1pOIrA
Тарихы тереңде жатқан елдің жаңа заманда өз алдына қайта егеменді ел болған күн 16 желтоқсан – Қазақстан Республикасының Тәуелсіздік күні. Бұл күні біздің бөбекжайымыздың «Көбелек» мектепалды тобы өз өнерімен ерекше әсерлі тарту жасады. Балалар Қанағат Қараштың сөзіне жазылған, Ләззат Қараштың «Отаным» әнін шебер орындап, барша Отандастарымызға қуаныш пен мақтанышқа бөлейтіні анық.
Әнді орындау барысында балалардың дауыстарындағы шынайы сезім мен ұлттық рух көрермендерді баурап алды. Олар әннің әр сөзін жүректен өткізгендей, Отанға деген сүйіспеншіліктерін білдіре отырып, жас ұрпақтың патриоттық сезімін ерекше көрсете білді.
Балалар жарқыраған көздерімен және сенімді бұлбұл үнімен әсерленді. Әрбір сөз бен әуен Қазақстанның шексіз даласын, оның асқақ тарихы мен жарқын болашағын бейнелегендей әсер қалдырды.
Бұл орындау тек ән салу ғана емес, сонымен бірге Тәуелсіздік рухын жас буынның санасында қалыптастырудың жарқын көрінісі болды.
«Көбелек» тобының осы әрекеті – Тәуелсіздік күніне жасалған тамаша тарту ғана емес, сонымен қатар Отанға деген сүйіспеншілікті көрсетудің жарқын үлгісі болды.