09
апрель
2026
«Дәстүрге толы дала спорты»
«Дәстүрге толы дала спорты» этно-спорттық мереке Бөбекжайдың “Бәйшешек” тобында дәстүрге толы дала спортына арналған ерекше спорттық іс-шара ұйымдастырылды. Іс-шараға дене шынықтыру жетекшісі Салтанат Болатовнаның жетекшілігімен жан-жақты дайындық жасалып, мереке жоғары деңгейде өтті. Бұл спорттық мереке бүлдіршіндердің қимыл-қозғалысын дамытып қана қоймай, олардың ұлттық ойындарға деген қызығушылығын арттыруға бағытталды. Спорт зал іші шаттық пен күлкіге толып, ерекше көңілді атмосфера орнады. Балалар “Тұлпармен жарыс”, “Қанатты доптар”, “Қой жинау” (доптарды жинау), “Арқан тарту” сынды қызықты әрі мазмұнды ұлттық ойындарға белсене қатысты. Әр ойын барысында олар ептілік пен жылдамдықтарын көрсетіп, бір-біріне қолдау білдірді. Шара соңында балалар көтеріңкі көңіл-күймен тарқап, ұлттық ойындардың маңызын терең түсіне білді. Осындай тағылымы мол спорттық іс-шаралар арқылы бүлдіршіндердің бойында отансүйгіштік, батылдық, ептілік қасиеттері қалыптасатыны сөзсіз.