30
март
2026
Зерттеу тақырыбы: «ЭкоБалапан мен Қоқыс патшалығындағы құпия»
«Алматы облысы, Жамбыл ауданы, «Аққайың» бөбекжайы КМҚК-ның «Көбелек» мектепалды тобында (5 жастағы балалар) «ЭкоБалапан мен Қоқыс патшалығындағы құпия» атты зерттеу әрекеті ерекше қызығушылықпен ұйымдастырылды. Зерттеуге қатысқан жас зерттеушілер Нұрдаулет Тоғжан мен Болатхан Рауан табиғатты қорғау тақырыбын кейіпкер арқылы әсерлі түрде ашып көрсетті. Жетекшісі Асубаева Асем Нурбековна балалардың зерттеушілік қабілеттерін дамыта отырып, экологиялық тәрбиеге бағытталған мазмұнды жұмыс жүргізді. Зерттеу барысында ЭкоБалапан балалармен бірге қоқыс түрлерін ажыратып, олардың табиғаттағы жойылу ерекшеліктерін салыстыра бақылауға мүмкіндік жасады. Балалар тәжірибе арқылы қағаздың тез жойылатынын, пластиктің ұзақ сақталатынын, ал шынының табиғатта мүлде жоғалмайтынын өз ойларымен дәлелдеді. Сонымен қатар, таза және ластанған суды салыстыру арқылы табиғи ресурстардың маңыздылығын түсініп, қоршаған ортаны қорғауға деген жауапкершілік сезімдерін қалыптастырды. Зерттеу ойыны барысында балалар қоқысты дұрыс сұрыптауды үйреніп, ата-аналармен бірлескен әрекет арқылы әлеуметтік байланыс та нығая түсті. Қауіпсіздік ережелерін сақтай отырып ұйымдастырылған жұмыс балалардың қызығушылығын арттырып, зерттеу әрекетіне белсенді қатысуына ықпал етті. Бұл зерттеу балалардың экологиялық санасын қалыптастырып, табиғатқа жанашырлықпен қарауға бағытталған маңызды әрі нәтижелі тәжірибе ретінде бағаланды.