21
апрель
2025
Әжемнің ертегілері: “Бір үзім нан”
Күн шуағындай жылы, әжімді жүзінен мейірім шуағы төгілген Әділбай Жансерінің әжесі “Көбелек” тобының бүлдіршіндерін ертегі әлеміне жетеледі. Әженің әрбір сөзінен даналық пен терең ой сезіліп тұрды. Ол балаларға Адилбай Жансерінің “Бір үзім нан” атты жүрек тебірентер ертегісін оқып берді. Әженің қоңыр дауысымен басталған ертегі, балаларды бірден өзіне баурап алды. Әрбір сөзі, әрбір кейіпкері көз алдыларына тіріліп, қиялдарына қанат бітірді. Балалар әженің әрбір қимылын, әрбір сөзін мұқият тыңдап, ертегінің тереңіне бойлады. Ертегі аяқталған соң, бүлдіршіндердің көздерінен ерекше нұр байқалды. Олар нанның қандай еңбекпен келетінін, оның қаншалықты қасиетті екенін терең түсінді. Енді олар нанды тек тағам ретінде ғана емес, үлкен құрмет пен ықыласпен қарайтын болды. Әженің оқыған ертегісі, балалардың жүрегінде өшпес із қалдырды. Бұл – қарапайым ғана ертегі емес, балалардың бойына адамгершілік қасиеттерді сіңіретін, жақсылыққа жетелейтін асыл қазына еді.