16
октябрь
2025
«Күзгі шаттық керуені!»
Эстетикалық және экологиялық тәрбие апталығы аясында «Бәйшешек» ересек тобының тәрбиеленушілерімен тамаша көңіл-күй сыйлаған «Күзгі шаттық керуені!» атты ойын-сауық өткізілді. Балалар табиғаттың сұлулығын тамашалап, күзгі бояуларға бөленген бақтың әсем көрінісін өлең, би, ойын арқылы жеткізді. Іс-шарамен қатар ұйымдастырылған «Күзгі асар» көрмесінде ата-аналар мен балалардың қолынан шыққан көкөністер мен жемістерден жасалған шығармашылық бұйымдар көз тартты. Табиғи материалдардан жасалған ерекше туындылар балалардың экологиялық ойлау қабілетін, ұқыптылық пен сұлулықты сезіну дағдыларын арттырды. Апталықтың шарықтау шегі — «Жемістер мен көкөністер патшалығы» байқауы болды. Балалар өз кейіпкерлерін таныстырып, пайдалы тағамдар мен табиғат сыйын қадірлеудің маңызын ойын түрінде көрсетті. Тәрбиешілер Сағатова А.М. және Карбекова А.С. балалардың шығармашылық қабілетін дамыта отырып, эстетикалық талғам мен табиғатқа сүйіспеншілікті ұштастыра білді. Күздің берекесі мен әсемдігін бейнелеген бұл шара балғындардың жүрегіне шаттық пен шабыт ұялатты.