02
июнь
2025
“Бақытты балалық шақ” мерекесінің шуақты сәттері
Маусым айының алғашқы күні бөбекжайда ерекше шаттыққа толы болды. “Бақытты балалық шақ” атты мерекелік іс-шара балаларды қорғау күніне арналды. Күннің алғашқы сәулесімен бірге балалардың күлкісі мен әуені естіліп, бөбекжай ауласы жайнап сала берді. Мерекенің шымылдығын балалар шығармашылығынан құралған концерт ашты. Сахнаға шыққан әрбір бүлдіршін өнерімен көрерменді тәнті етті. Бірі әсем ән шырқаса, енді бірі биімен көңілді көтерді. Әрбір өнерпаздың жүзінен шаттық пен сенімділік байқалды. Концерттен кейін балалар асфальтқа сурет салу конкурсына қатысты. Қолдарына бор алған бүлдіршіндер асфальтты түрлі-түсті әлемге айналдырды. Күннің шуағы, көктем гүлі, ананың мейірімі – бәрі де бала қиялынан туындап, асфальтта жаңа өмір тапты. Бұл күні бөбекжайда тек балалар ғана емес, тәрбиешілер де шаттыққа бөленді. Олардың әрқайсысы балалардың бақытты сәттерін көру арқылы шабыттанып, жаңа шығармашылық жоспарлар құрды. “Бақытты балалық шақ” мерекесі – балалардың жүрегінде мәңгі сақталатын, ұмытылмас сәттерге толы болды.