17
октябрь
2025
КОНСУЛЬТАЦИЯЛЫҚ ПУНКТ ЖҰМЫС ЖОСПАРЫНЫҢ ОРЫНДАЛУЫ «Балаға ертегі оқу – қиялдың қайнары»
Қазан айында консультациялық мобильді пункт жұмысы аясында мектепке дейінгі ұйымдарға бармайтын балалардың ата-аналарын педагогикалық тұрғыда қолдау мақсатында «Балаға ертегі оқу – қиялдың қайнары» тақырыбындағы кеңес ұсынылды.
Кеңестің негізгі мақсаты – баланың танымдық қабілеттерін жетілдіру, қиялдау және ойлау дағдыларын дамыту, сондай-ақ ата-аналарды үй жағдайында ертегі оқу мәдениетіне баулу. Ата-аналарға ертегінің бала санасына тигізетін тәрбиелік, дамытушылық әсері туралы ақпарат беріліп, күнделікті отбасылық қарым-қатынаста кітап оқу дәстүрін қалыптастыру жолдары түсіндірілді.
Кеңес барысында ата-аналарға жас ерекшелігіне сай ертегілерді таңдау, мәтінді көрнекілікпен сүйемелдеу, оқыған ертегіні талдау, баланың ой пікірін тыңдау және ертегі мазмұнын шығармашылықпен жалғастыру тәсілдері таныстырылды. Сонымен қатар, балалардың тілін, сөздік қорын, ойлау қабілетін дамытатын практикалық ұсыныстар мен әдістемелік нұсқаулар берілді.
Кеңесті тәрбиеші, қазақ тілі пәнінің мұғалімі Т.М. Дарменбекова жүргізді.