28
ноябрь
2024
«Бал бала» тіл ширату жобасы
«Бал бала» тіл ширату жобасы
Қараша айында педагог-логопед Аманқұл Айжан «Бал бала» тіл ширату жобасы аясында балалардың тілін дамыту мен сөздік қорын байытуға арналған кешенді жұмыстар жүргізді. Айдың негізгі мақсаты – балалардың күнделікті өмірде қолданатын сөздік қорын байытып, жаңа сөздер үйренуге қызығушылықтарын арттыру болды.
1. Балалардың күнделікті өмірде қолданатын сөздік қорын дамыту
Айжан Аманқұлқызы күнделікті оқу және ойын әрекеттерінде балаларды қоршаған орта туралы қарапайым, бірақ маңызды сөздерді меңгеруге бағыттады. Әр балаға күнделікті қолданылатын сөздерді үйретуде жеке тәсіл қолданылып, олардың әрқайсысының даму деңгейіне сай тапсырмалар ұсынылды. Сабақ барысында балалардың есту, көру және сөйлеу арқылы сөздерді түсіну, қабылдау дағдылары дамытылды.
2. «Бұл не?» ойыны арқылы заттардың атауларын қайталау
Логопед балалардың сөздік қорын байытуда «Бұл не?» ойынын кеңінен қолданды. Бұл ойын барысында балаларға таныс және жаңа заттардың атауын айтып, оларды сипаттау ұсынылды. Ойын тек сөйлеу қабілетін ғана емес, танымдық дағдыларын дамытуға да ықпал етті. Балалар заттарды атамай ғана қоймай, олардың түсін, пішінін, қызметін де сипаттауға үйренді.
3. Сөздер мен заттарды сәйкестендіру жаттығулары
Сөздер мен заттарды сәйкестендіру жаттығулары балалардың қабылдау және зейін дағдыларын жақсартуға бағытталды. Әр балаға нақты тапсырмалар беріліп, олар суреттер немесе ойыншықтар арқылы сөздермен сәйкестендіруді үйренді. Бұл жаттығу барысында балалар логикалық ойлауды дамытып, сөйлеу әрекетінде белсенділік көрсетті.
Балалар күнделікті өмірде жиі қолданатын сөздерді еркін айта алатын болды.
Тілдік қорды байыту арқылы сөйлеу белсенділігі артты, жаңа сөздерді дұрыс қолдану көрсеткіші өсті.
Балалар ойын барысында өз ойын еркін жеткізуге үйренді және басқа балалармен қарым-қатынаста қолданатын сөздерінің саны көбейді.
Сөздер мен заттарды сәйкестендіру арқылы ойлау қабілеті мен зейіні нығайды.
Аманқұл Айжан жүргізген «Сөздік қорды байыту» айы – балалардың тілдік дамуына зор үлес қосып, олардың сөздік қорын кеңейту және сөйлеу мәдениетін қалыптастыру бағытында нәтижелі жұмыс болды. Бұл іс-шара «Бал бала» жобасының аясында алға қойған міндеттерді сәтті жүзеге асырып, балалардың жан-жақты дамуына ықпал етті.