Құттықтаймыз!

Құрметті балақайлар  Нұрдаулет Тоғжан, Нұрланұлы Мирас және жоба жетекшісі Молдабаева Гульшат Бейсенбаевна!

Сіздерді “Мен зерттеушімін” танымдық-зерттеушілік республикалық байқауының республикалық кезеңінде “Көңілді суреттер” атты жобаларыңызбен ІІІ орынға ие болуларыңызбен шын жүректен құттықтаймыз! Сіздердің еңбектеріңіз, ізденістеріңіз және шығармашылық қабілеттеріңіз осындай жоғары нәтижеге жеткізгеніне біз өте қуаныштымыз.

“Көңілді суреттер” жобасы көбікке сурет салу арқылы балалардың қиялын дамытуға, шығармашылық қабілеттерін ашуға бағытталған. Бұл жобаның өзектілігі мен практикалық маңыздылығын атап өткіміз келеді. Сіздердің тынымсыз еңбектеріңіз бен жаңашылдыққа деген құштарлықтарыңыз “Аққайың” бөбекжайының атын республикалық деңгейде танытты.

Нұрдаулет Тоғжан мен Нұрланұлы Мирасқа алдағы уақытта да шығармашылық табыстар тілейміз! Сіздердің зерттеушілік жолдарыңыз әрқашан жемісті болсын! Жетекшілері Молдабаева Гульшат Бейсенбаевнаға осындай талантты шәкірттер тәрбиелегені үшін алғысымызды білдіреміз! Сіздерге зор денсаулық, бақыт және жаңа шығармашылық табыстар тілейміз!

“Алматы облысы білім басқармасының Жамбыл ауданы бойынша білім бөлімі” мемлекеттік мекемесінің “Аққайың” бөбекжайы ұжымы сіздермен мақтанады!