Семинар: «Мектеп жасына дейінгі балалардың экологиялық білім беру және экологиялық мәдениетін қалыптастырудағы заманауи ойын технологиялары»
«Мектеп жасына дейінгі балалардың экологиялық білім беру және экологиялық мәдениетін қалыптастырудағы заманауи ойын технологиялары» тақырыбындағы семинар сәтті өтті. Іс-шараның негізгі мақсаты – мектепке дейінгі жастағы балаларға экологиялық білім беру әдістерін жетілдіру және заманауи ойын технологияларын қолдану жолдарын көрсету болды. Семинарға мектепке дейінгі ұйым педагогтері мен ата-аналар қатысты. Қатысушыларға экологиялық тәрбиенің маңыздылығы туралы теориялық ақпарат беріліп, түрлі тәжірибелік жұмыстар ұйымдастырылды. Гидропоника, флорариум жасау және экологиялық қалдықтардан бұйым дайындау бойынша шебер сыныптар өткізілді. Сонымен қатар, экологиялық сананы дамытуға бағытталған іскерлік ойындар ойнатылып, қатысушылар белсенді түрде талқылаулар жүргізді. Ойын технологиялары арқылы балалардың экологиялық мәдениетін дамыту тәсілдері қарастырылды. Қатысушылар өз тәжірибелерінде қолдануға болатын жаңа әдістермен танысты. Семинар соңында қатысушылар алған білімдері мен тәжірибелері бойынша пікір алмасып, іс-шараның қорытындысы шығарылды.