Семинар-практикум «Мектеп жасына дейінгі балалардың коммуникативтік дағдыларын қалыптастыруда зияткерлік ойындардың тиімділігі»

Тақырыбы: «Мектеп жасына дейінгі балалардың коммуникативтік дағдыларын   қалыптастыруда зияткерлік ойындардың тиімділігі» 

Барысы: 05.01.2024 жыл  бөбекжайда: «Мектеп жасына дейінгі балалардың коммуникативтік дағдыларын  қалыптастыруда зияткерлік ойындардың тиімділігі» тақырыбында педагогтерге семинар – практикум өткізілді.

Мақсаты: Мектеп жасына дейінгі балалардың коммуникативтік дағдыларын  қалыптастыруда зияткерлік ойындарды қолдану арқылы тәрбиешілердің кәсіби құзыреттілігін арттыру.

Жұмыс барысында келесі міндеттерді шешу көзделді:

• Педагогтерді  мектеп жасына дейінгі балалардың коммуникативтік дағдыларын   қалыптастыруда зияткерлік ойындарды   қолдану тәжірибесімен таныстыру.
• Семинарға қатысушыларды педагогикалық үдерісте зияткерлік   ойындарды пайдалану әдістері мен тәсілдеріне үйрету .
• Бастапқы білім беру ойын технологиясына деген қызығушылықты, бастаманы, осы технологияны іс жүзінде қолдануға деген ұмтылысты дамыту.
• Ынтымақтастыққа, өзара түсіністікке деген ұмтылысты ояту. 

Іс-шараны талдау:

1) Педагогтер әдіскер  А.О.Токтамысованың «Мектеп жасына дейінгі балалардың коммуникативтік дағдыларын  қалыптастыруда ойын әрекетінің тиімділігі» таныстырылымын тыңдады. Қазақстан Республикасы Оқу-ағарту министрінің 2022 жылғы 3 тамыздағы № 348 бұйрығына 1-қосымшасының Мектепке дейінгі тәрбие мен оқытудың мемлекеттік жалпыға міндетті стандартындағы «Тәрбие мен оқыту нәтижелеріне бағдарланған мектепке дейінгі тәрбие мен оқытудың мазмұнына қойылатын талаптар» негізінде коммуникативтік дағдыларды дамыту шараларына және оның зияткерлік ойындар арқылы дамыту жолдарымен таныстырды. Коммуникативтік дағдыларды дамыту әрекеттері, міндеттері, ұйымдастыру формалары мен ойын арқылы дамыту жолдарын баяндады.

2) Ортаңғы  «Ромашка» тобының тәрбиешісі А.К.Муханова  «Роль интеллектуальных игр в развитии речи дошкольников» тақырыбында шебер-сыныбын ұйымдастырды. Шебер сынып барысында оқыту және тәрбиелеу процесінде және   ұйымдастырылған іс-әрекетінде   ойын технологияларын, әдістері мен тәсілдерін пайдалану арқылы мектеп жасына дейінгі балалардың интеллектуалды дамыту мазмұнына тоқталды. Ойын түрлерін 4 блокқа бөліп, ойын мазмұнын ашып, балалармен жұмыс жасауда қандай ойындар қолданатыны туралы тәжірибесімен бөлісті. Педагогтермен зияткерлік ойындарды классифиикациялап, топтық жұмыстар ұйымдастырды.

3)  Ересек «Колобок» тобының тәрбиешісі Е.Г.Фадейкина және кіші  «Жұлдыз» тобының тәрбиешісі С.Б.Чатпаева «Мектеп жасына дейінгі балалардың коммуникативтік дағдыларын   қалыптастырудағы ұлттық зияткерлік   ойындарды қолдану»  тақырыбында іскерлік ойын ойнады. Ойын барысында педагогтермен топтық жұмыс ұйымдастырып, тәрбиелеу және білім беру процесінде жүзеге асырылатын ұлттық зияткерлік ойындар арқылы тапсырмалар орындады.   Санамақты айта отырып ұлттық ою-өрнектерді сандық ретімен қою «Сөйлейтін құрақ» әдісі. Құрақтан түрлі бейнелер жасау «Танграмм» әдісін қолдану. Оюлар мен Асықтарды  түстеріне қарай сәйкестендіру  арқылы тапсырмаларын орындады.  

4) Әдіскер А.О.Токтамысова  «Алтын сақа кімге бұйырады»  зияткерлік ойын іскерлік ойынын ұйымдастырды. Аталған зияткерлік ойында педагогтер нормативтік құқықтық актілер аясында сұрақтарға жауап беріп жарысты. Ойын барысында педагогтерге ақшалай(ойын түрінде) марапаттар берілді. Педагогтер сұрақтардан қиналған кезінде 50\50, досыңнан телефон арқылы көмек және залдан көмек сұрау арқылы сұрақтарға нақты жауаптар алды. Аталған зияткерлік ойынды балалардың коммуникативтік дағдысын дамытудағы тиімділігін атай келе, әр түрлі тақырыпта ұйымдастыруға болатынын атап айтты.

5) Әдіскер А.О.Токтамысова   семинар-практикум соңында  педагогтерден «Күн және жаңбыр» әдісі (Толмачева Е. П.) кері байланыс орнатты. Педагогтер сары сәулелерде кездесудің жағымды жақтарын «Не болды?»,  көк тамшыларда - "не болмады", жүргізуші тарапынан да, қатысушылар тарапынан да қандай олқылықтар болғанын жазды. Алайда педагогтер семинар-практикум тиімді ұйымдастырылғанын және алдағы уақытта тәжірибеде қолданатынын жазды.

Қорытынды: Әдіскер ұсынған барлық ойындар коммуникативтік дағдыны дамыту тұрғысында жинақталған, балалардың жас ерекшеліктеріне сәйкес келеді, олар үшін оларды оқыту және тәрбиелеу үшін пайдалануға болады.

Шешім: Ұсынылған ойындарды балалардың дамуы үшін өзекті деп санау және оларды іс жүзінде қолдануға кеңес беру, сонымен қатар балалардың коммуникативтік дағдаларын дамыту жұмысында тәжірибеге енгізу.