26
июнь
2025
«Қауіпті заттар мен құралдар»
https://www.facebook.com/share/v/1CPeKeZjXZ/
«Күншуақ» ортаңғы тобында (тәрбиеші: Сванбекова Анар Жакишбековна) «Қауіпті заттар мен құралдар» тақырыбындағы ұйымдастырылған іс-әрекет жоспарға сай жоғары деңгейде өткізілді. Іс-әрекет барысында балалар қауіп тудыратын заттар мен құралдардың түрлерімен танысып, олардан сақтану жолдарын меңгерді.
Тәрбиеші балалардың жас ерекшеліктерін ескере отырып, оқу процесін қызықты ойындармен ұштастырды. «Өрт қауіпті заттар», «Өрт сөндірушіге не керек?», «Өрт қауіпті заттар» коллажы, «Болады–Болмайды», «Мен бастаймын, сен аяқта» сияқты дидактикалық ойындар балалардың белсенділігін арттырып, олардың ойлау, есте сақтау, дұрыс шешім қабылдау дағдыларын жетілдіруге мүмкіндік берді.
Іс-әрекет барысында балалар өз ойларын ашық жеткізіп, қауіпсіздік ережелерін күнделікті өмірде қалай сақтау керектігін өз сөздерімен айтып көрсете алды. Тәрбиеші әр балаға қолдау көрсетіп, пікір білдіруіне жол ашты. Балалар сұрақтарға толық жауап беріп, тапсырмаларды ынтамен орындады.
Іс-әрекет соңында жүргізілген кері байланыс кезінде балалар алған білімдерін тиянақтап, қауіпті заттардан аулақ болу қажеттігін түсініп, алған білімдерін іс жүзінде қолдана білуге дайын екендерін көрсетті.
Жалпы, іс-әрекет мақсаты толық орындалып, балалардың танымдық қызығушылығы мен коммуникативтік дағдылары дамыды. Тәрбиешінің шебер ұйымдастырушылық әрекеті мен жылы қарым-қатынасы іс-әрекеттің нәтижелі өтуіне ықпал етті.