10
апрель
2026
«Ғарышқа саяхат!»
«Бәйшешек» ересек тобы (4 жастағы балалар), жетекшісі Карбекова А., тәрбиешісі Калдымурунова Г.А. ұйымдастыруымен танымдылық және эстетикалық тәрбие бағытында «Ғарышқа саяхат!» атты ойын-сауық іс-шарасы өткізілді. Іс-шараның мақсаты – балалардың ғарыш әлемі, ғарышкерлер туралы білімдерін кеңейту, туған жерін, елін сүюге және құрметтеуге баулу, ойын арқылы қызығушылықтарын арттыру, сондай-ақ батылдық пен жігерлік қасиеттерін қалыптастыру болды. Балалар «Жұлдыздармен сырласу» кезеңінде жұлдыздарға өз армандары мен тілектерін арнап, қиял әлеміне саяхат жасады. «Эстафеталық ойын – Планетаға жетейік» арқылы қимыл-қозғалыс белсенділіктері дамытылды. «Комета іздеу» бөлімінде жасырылған кометаны тауып, оны мұражайға тапсыру арқылы ізденімпаздық қабілеттері артты. Ал «Марсқа саяхат» кезеңінде топтарға бөлініп, түрлі танымдық тапсырмаларды орындады: аспан жаратылыстарының көлеңкесін сәйкестендірді, планетаның жартысын тапты және суретке сәйкес бейнені анықтады. Іс-шара балалардың қызығушылығын оятып, ғарыш әлеміне деген танымын кеңейткен мазмұнды әрі тәрбиелік мәні жоғары ойын түрінде өтті.