09
апрель
2026
«Жұлдыздарға жол ашайық!»
«Жұлдыздарға жол ашайық!» атты ойын-сауық қызықты өтті. Бұл шара «Күншуақ» ересек тобында өткізілді. Іс-шара барысында балалар ғарыш әлеміне саяхат жасап, түрлі ойын бекеттерінен өтті. Әрбір бекетте тәрбиеленушілер белсенділік танытып, тапсырмаларды қызығушылықпен орындады. Балалар «Жұлдыз шаңын жинаушылар», «Планетаға дәл қон!» сияқты ойындар арқылы шапшаңдықтарын және зейіндерін көрсетті. Сонымен қатар «Ғарыштық сән әлемі» бөлімінде шығармашылық қабілеттерін дамытып, ерекше бейнелер жасады. «Кометадан қаш!» ойынында балалар ептілік пен жылдамдықтарын көрсетті. Жұмбақтар шешу арқылы олардың ойлау қабілеті мен тіл байлығы артты. Іс-шара соңында «Ғарышкерлер шеруі» ұйымдастырылып, әр бала марапатталды. Аталған ойын-сауықты тәрбиешілер Сванбекова А.Ж. және Жумажанова А.К. жоғары деңгейде өткізіп, балаларға көтеріңкі көңіл күй сыйлады.