20
март
2026
20 наурыз – Ұлттық спорт күні!
⚜️ 20 наурыз – Ұлттық спорт күніне орай ұйымдастырылған бұл сайыс ерекше рух пен көтеріңкі көңіл-күйге толы өтті. Дене шынықтыру нұсқаушысы Дондагулова Салтанат Болатовнаның жетекшілігімен өткен сайыс барлық қатысушыларға ұмытылмас әсер сыйлады. Ортаңғы, ересек және мектепалды топ тәрбиеленушілерінің әкелері мен жас аналар мектебінің өкілдері белсенділік танытып, өзара ұйымшылдық пен шапшаңдықтарын көрсетті. Ұлттық ойындар арқылы ата-бабамыздан қалған асыл мұраның маңыздылығы кеңінен насихатталды. Ханталапай, өгіз тартыс, асық, арқан тартыс, бөрік жасыру және басқа да ойындар қатысушылардың қызығушылығын арттырды. Әр кезең тартысқа толы болып, ойыншылардың ептілігі мен күш-жігері айқын көрінді. Бұл сайыс балалар мен ата-аналар арасындағы байланысты нығайтып, салауатты өмір салтын дәріптеуге үлкен үлес қосты. Шара соңында барлық қатысушылар көтеріңкі көңіл-күймен тарқап, ұлттық спортқа деген құрметтері одан әрі арта түсті.⚜️ #балалардыертедамытуинституты