18
февраль
2026
«Fire Safety Kids – Кішкентай құтқарушылар академиясы»
🔥 🚒 «Fire Safety Kids – Кішкентай құтқарушылар академиясы»
Бүгін 👮🏻 «БІРЫҢҒАЙ ӨРТ ҚАУІПСІЗДІГІ КҮНІ» республикалық акциясы аясында «Алматы облысы білім басқармасының Жамбыл ауданы бойынша білім бөлімі» мемлекеттік мекемесінің «Аққайың» бөбекжайында ерекше мазмұнды әрі тағылымы мол кездесу өтті. Жамбыл ауданы, Ұзынағаш ауылындағы өрт сөндіру бөлімінің мамандары – өрт сөндірушілер мен құтқарушылар қонаққа келіп, мектепалды топ тәрбиеленушілерімен жүздесті. Кездесу барысында мамандар балаларға өрт қауіпсіздігі ережелері туралы түсінікті тілмен әңгіме жүргізіп, төтенше жағдай кезінде өзін қалай ұстау керектігін үйретті. Балдырғандар көкейлеріндегі сұрақтарын қойып, батылдық пен жауапкершілікті талап ететін мамандық иелерімен еркін сұхбаттасты. Іс-шара тек әңгімемен шектелмей, өрт сөндіру тақырыбында қызықты ойындар мен эстафеталық жарыстарға ұласты. Балалар өздерін кішкентай құтқарушы сезініп, шапшаңдық пен ұйымшылдық танытты. Әсіресе «өртті сөндіру» эстафетасы олардың көңілін көтеріп, ерекше әсер сыйлады. Мамандар балалардың белсенділігіне, білуге деген құштарлығына және өрт сөндіруші мамандығына қызыға қараған мейірімге толы жанарларына сүйсінді. Бұл кездесу балдырғандардың жүрегінде батырлық пен жанашырлықтың үлгісін қалдырып, қауіпсіздік мәдениетін қалыптастыруға үлкен үлес қосты. Осындай тағылымды шаралар өскелең ұрпақтың санасында жауапкершілік пен қамқорлық сезімін нығайтып, олардың арман-мақсаттарына қанат бітірері сөзсіз. 🚒✨ #өртқауіпсіздігікүні
#балалардыертедамытуинституты