30
сентябрь
2024
Семинар-практикум «Ұлттық құндылықтар – мектепке дейінгі тәрбие-білім беру процесінде баланың коммуникативтік дағдыларын дамытудың түп қазығы»
2024 жылғы 30 қыркүйекте «Ұлттық құндылықтар – мектепке дейінгі тәрбие-білім беру процесінде баланың коммуникативтік дағдыларын дамытудың түп қазығы» тақырыбында семинар-практикум өткізілді. Бұл іс-шараның ұйымдастырушысы – бөбекжай әдіскері А.О.Токтамысова. Семинардың басты мақсаты – қазақтың ұлттық құндылықтарын STEM білім беру жүйесімен байланыстыра отырып, балалардың коммуникативтік және танымдық дағдыларын дамытудағы тиімді әдістерді көрсету.
Іс-шара барысында ұлттық «Талапай – ау, талапай» ойыны квест форматында ұсынылды. Бұл әдіс педагогтердің кәсіби құзыретін арттыруға, ұлттық ойындарды балалармен жұмыс барысында жаңаша қолдануға бағытталды. Квест түрлі тапсырмаларды қамтыды, олар:
«Алтын тұғыр» ауылы – ұлттық құндылықтарды STEM жобаларымен интеграциялау;
«Алтын сақа» ауылы – ұлттық ойындарды балалармен STEM элементтері арқылы ұйымдастыру тәсілдерін талдау;
«Ғажайып ертегілер» ауылы – қазақ ертегілерін STEM әдістерімен сахналау;
«Әсем әнмен, тәтті күй» ауылы – музыкалық аспаптарды STEM жүйесімен байланыстыра отырып зерттеу;
«Сырлы ою-өрнектер» ауылы – ою-өрнектерді STEM модульдік құралдарымен жасау.
Семинар барысында педагогтер топтарға бөлініп, квест тапсырмаларын белсенді түрде орындап, өз жобаларын қорғады. Әдіскер А.О.Токтамысова ұсынылған әдістердің тиімділігін, ұлттық ойындар мен STEM білімінің маңызын нақты мысалдармен түсіндіріп, педагогтердің пікірін ескере отырып, рефлексия жүргізді.
Іс-шара соңында қатысушылар семинардың мазмұны мен ұйымдастырылуына оң баға беріп, өз тәжірибелерінде ұлттық құндылықтарды жаңғыртуға және оларды заманауи білім беру технологияларымен ұштастыруға қызығушылық танытты.
Осындай семинарлар педагогтердің шығармашылығын дамытып, ұлттық ойындардың әлеуетін жаңа деңгейге көтеруге мүмкіндік береді.
