17
март
2026
«Әжелер – ұрпақ ұстазы»
🌱17 наурыз – Шаңырақ күні Бөбекжайда «Әжелер – ұрпақ ұстазы» атты тағылымы мол сайыс жылы әрі әсерлі көңіл-күйде өтті. «Көгершін» ортаңғы тобының кішкентай бүлдіршіндері әжелерімен бірге бесік жырын айтып, ұлттық құндылықтың нәзік әуенін жүректерге жеткізді. Салт-дәстүрге қатысты сұрақ-жауап пен шеберлік кезеңдерінде әжелер даналығы мен іскерлігін танытып, көрерменге өнеге көрсетті. Рухани мәні терең «Аталар батасы» бөлімінде аталар ақ тілегін арнап, ел мен ұрпаққа ізгі ниеттерін білдірді. Шара соңында барлық қатысушылар бірлік шеңберіне жиналып, балалардың жылы лебіздері мен отбасыға арналған тақпақтары мерекенің мәнін айшықтай түсті.