Семинар – практикум «Мектеп жасына дейінгі балаларды тәрбиелеу мен оқыту қызметіне STEM-білім беру жүйесін енгізудің маңызы»

Жамбыл ауданы Ұзынағаш ауылының «Аққайың» бөбекжайында  2021 жылдың  27 –наурызы күні  «Мектеп жасына дейінгі  балаларды тәрбиелеу мен оқыту қызметіне STEM-білім беру жүйесін енгізудің маңызы» тақырыбында  семинар-практикум  өтті.

Семинар - практикум мақсаты: 

Мақсаты: Мектеп жасына дейінгі балаларда инженерлік ойлаудың алғышарттарын дамыту үшін ғылыми-білім беру STEM-білім беру элементтерін қолдану арқылы мектепке дейінгі білім беру мекемемізде білім сапасын арттыру.

Бөбекжай басшысы К.В.Жумабекованың "STEM–мектепке дейінгі жастағы балаларға арналған заттық-кеңістіктік дамыту ортасын құру" тақырыбындағы баяндамасында бөбекжайда ұйымдастырылған инновациялық кабинеттегі робототехника құрылғыларының маңызы  туралы айтты.

 «STEM – білім беру жүйесін мектепке дейінгі ұйымда қолданудың тиімділігі» тақырыбындағы әдіскер А.О.Токтамысованың презентациясы, педагогтерді топқа бөліне отырып STEM – білім беру жүйесінің құралдарын оқыту және тәрбиелеу процесінде пайдалану жолдарын көрсету арқылы педагогтердің шеберліктері шыңдалды. 

Барлық баяндамалар" STEM - білім беру құралдарымен жобалау қызметінде Мектепке дейінгі балалардың инженерлікжәне танымдық ойлау негіздерін қалыптастыру " тақырыбына бағытталған, оның негізі жаратылыстану, Ф.Фребель сыйы, робототехника, математикалық даму және мульстудио болып табылады.

Педагогтер робототехника бойынша жұмыс тәжірибесін ұсынды (Lego Wedo 2.0., робомышь, бағдарламаланатын мини-робот Ботли). Осы робототехникалық конструкторларды қолданудың негізгі функцияларын тек бірлескен серіктестік қызметте ғана емес, сонымен қатар білім беру қызметіне қалай қосуға болатындығын ашты. Тәрбиешілер мектеп жасына дейінгі балаларда техникалық шығармашылықтың алғышарттарын дамыту тәжірибесін ұсынды. Робототехника бойынша мектеп жасына дейінгі балалармен бірлескен қызметті ұйымдастыру алгоритмін ашты, алгоритмдер арқылы үлкен мектеп жасына дейінгі балалардың бағдарламалау дағдылары мен танымдық қызығушылықтарын дамытудағы тиімділігін көрсетті.

Іс-шара соңында қатысушылар пікір алмасты. Жұмыс перспективаларын талқылады. Сабақтастық міндеттерін жүзеге асыру үшін жаңа серіктестер – бастауыш мектептер және ата –аналармен сабақтастық  қажет деген пікір білдірді.