06
март
2026
«Аяулы әже, ардақты ана!»
«Көбелек» мектепалды тобында тәрбиешілер Б.Т. Шаджабаева мен А.Н. Асубаеваның ұйымдастыруымен «Аяулы әже, ардақты ана!» атты мерекелік ертеңгілік жоғары деңгейде өтті. Шара барысында 5 жасар бүлдіршіндер өздерінің аналары мен әжелеріне арнап жылы лебіздерін білдіріп, әсем әндерін шырқады. Мереке аясында балалардың қолөнер туындыларынан құралған «Көктем гүлдері!» атты тақырыптық көрме көпшілік назарына ұсынылды. Тәрбиеленушілер дайындаған билері мен тақпақтары арқылы ата-аналарға көтеріңкі көңіл-күй сыйлап, мерекелік атмосфера қалыптастырды. Ертеңгілік соңында тәрбиешілер келген қонақтарды мерекемен құттықтап, балалардың шығармашылық белсенділігіне оң баға берді.