04
март
2026
«Аяулы әже, ардақты ана!»
2026 жылдың 4 наурызында «Күншуақ» ересек тобында Халықаралық әйелдер күніне орай «Аяулы әже, ардақты ана!» атты мерекелік ертеңгілік жоғары деңгейде өтті. Тәрбиешілер А.Ж. Сванбекова мен А.К. Жумажанованың ұйымдастыруымен 4 жастағы бүлдіршіндер аналары мен әжелеріне арнап жылы лебіздерін білдірді. Балалар өз өнерлерін ортаға салып, әсем ән шырқап, мың бұрала би билеп, мерекенің сәнін келтірді. Ертеңгілік аясында балалардың өз қолдарымен дайындаған туындыларынан құралған «Көктем гүлдері!» атты шығармашылық көрме ұйымдастырылды. Көрмеге қойылған әрбір жұмыс көктемнің алғашқы гүлдеріндей құлпырып, келген қонақтарға ерекше көтеріңкі көңіл-күй сыйлады. Мереке соңында ата-аналар тәрбиешілерге алғыстарын жаудырып, бұл күн барлық қатысушылардың есінде жылы естелік ретінде қалды.