30
апрель
2025
Фестиваль: «Біз – біргеміз, біз – бірдейміз!»
Топ: «Көбелек» мектепалды тобы (5 жастағы балалар) 1 мамыр – Қазақстан халқының бірлігі күніне орай балабақшада патриоттық тәрбие беру мақсатында «Біз – біргеміз, біз – бірдейміз!» атты фестиваль ұйымдастырылды. Аталған шараға «Көбелек» мектепалды тобының тәрбиеленушілері белсене қатысты. Фестиваль барысында балалар Қазақстанда тұратын түрлі ұлт өкілдерінің ұлттық киімдерімен сахнаға шығып, әр ұлттың мәдениетін, салт-дәстүрін таныстырды. Музыкалық нөмірлер, ұлттық билер, өлеңдер мен тақпақтар арқылы достық пен татулықты, бірлік пен келісімді паш етті. Іс-шараның мазмұны балалардың жас ерекшеліктеріне сай құрылған, патриоттық сезімдерін оятуға және елге, жерге деген сүйіспеншілігін арттыруға бағытталды. Іс-шара жоғары деңгейде өтті. Балалардың сахналық мәдениеті мен белсенділігі байқалды. Ата-аналар мен педагогтер тарапынан оң пікірлер айтылып, балабақша ұжымы мен «Көбелек» тобының тәрбиешілеріне алғыс білдірілді. Бұл шара балалардың бойында көпұлтты еліміздің мәдени байлығы мен бірлігін құрметтеуге тәрбиелейтін маңызды іс-шаралардың бірі болды.
#біртұтастәрбие
Балаларды Ерте Дамыту Институты