19
ноябрь
2025
Консультациялық пункт жұмысы
https://youtu.be/6gwAzlJIq14
Қараша айында консультациялық мобильді пункт арқылы мектепке дейінгі ұйымдарға бармайтын балалардың ата-аналарына педагогикалық тұрғыдан қолдау көрсету мақсатында «Музыка – жан азығы» тақырыбында тәжірибелік кеңес ұсынылды. Бұл іс-шараның негізгі мақсаты – отбасында музыкалық дамуды қолдау жолдарын көрсету, ата-аналардың балалардың шығармашылық қабілеттерін дамытудағы рөлін күшейту және қарапайым музыкалық әрекеттерді күнделікті өмірге енгізудің тиімді тәсілдерін таныстыру. Музыка жетекшісі А.К. Даметова ата-аналарға музыка арқылы баланың эмоционалды, қимыл-қозғалыс, сөйлеу және шығармашылық қабілеттерінің дамуына әсер ететін практикалық жаттығуларды ұсынды.
Кеңес барысында ата-аналарға үй жағдайында қолдануға болатын музыкалық ойындар, ырғақтық қимылдар, ән айту мен қарапайым музыкалық аспаптарды пайдалану жолдары таныстырылды. Іс-шара ата-аналарға баланың музыкалық дүниетанымын қалыптастырудың маңызын түсіндіріп, олардың педагогикалық сауаттылығын арттыруға бағытталды. Сонымен қатар, музыка арқылы баламен эмоционалды байланыс орнатудың тиімді әдістері көрсетіліп, ата-аналардың өз сұрақтарын қойып, тәжірибе алмасуына мүмкіндік берілді. Нәтижесінде, кеңес ата-аналардың музыка тәрбиесінің бала дамуына маңызын терең түсінуіне, оны күнделікті өмірде қолдануға ынталануына және шығармашылық орта қалыптастыруға өз үлесін қосты.