31
март
2026
«Балалар шығармашылығын экологиялық қауіпсіз ортада дамытудың педагогикалық тәсілдері»
№4 педагогикалық кеңес 2026 жылдың 31 наурызында ұйымдастырылып, «Балалар шығармашылығын экологиялық қауіпсіз ортада дамытудың педагогикалық тәсілдері» тақырыбы аясында өткізілді. Кеңестің негізгі мақсаты – мектепке дейінгі балалардың шығармашылық және зерттеушілік дағдыларын экологиялық мәдениет негізінде дамыту үшін педагогтердің кәсіби құзыреттілігін арттыру болды. Іс-шараға мекеме әкімшілігі мен педагогтар белсенді қатысты. Кеңес басында басшы Г.Д. Сейполдаева №3 педагогикалық кеңестің шешімдерінің орындалуына тоқталып өтті. Әдіскер А.О. Токтамысова мектепке дейінгі ұйымдарда экологиялық қауіпсіз ортаны ұйымдастыру және педагогтердің кәсіби шеберлігін тиімді қолдану туралы баяндама жасады. Музыка жетекшісі А.К. Даметова «Экологиялық шығармашылық» атты флэшмоб ұйымдастырып, қатысушылардың қызығушылығын арттырды. Тәрбиеші Б.Т. Шаджабаева экологиялық қауіпсіз орта мен балалар шығармашылығын дамытудағы заманауи педагогикалық тәсілдер туралы таныстырылым өткізді. Г.Ж. Сабденова «Творческое путешествие по миру цифровой природы» атты интерактивті шеберлік мектебін көрсетті. Г.А. Джундибаева «Эко-хакатон» форматында шығармашылық орта қалыптастыру жолдарын ұсынды. Педагог-логопед Аманқұл Айжан «Виртуалды табиғат — нақты шығармашылық» тақырыбында визуалды storytelling әдісін таныстырды. Кеңес барысында педагогтар тәжірибе алмасып, жаңа идеялармен бөлісті. Көрме-тұсаукесерде әр топ «Үздік экологиялық орталығы» бойынша өз жұмыстарын ұсынды.Атап айтқанда, шағын теплицалық кешендер, гидропоника, флорариум, фитобар және ақылды бақша жобалары таныстырылды. Іс-шара соңында әдіскер А.О. Токтамысова кері байланыс ұйымдастырып, қорытынды жасады. Педагогикалық кеңес соңында алдағы жұмыс бағыттары айқындалып, нақты шешімдер қабылданды.