Ұстаздар күні -құтты болсын, әріптестер!

Ұстаздық қызмет – әлемдегі ең абыройлы мамандық. Ұстаз – ұлт пен ұрпақ үшін қасиетті ұғым. Шәкірттерін білім нәрімен сусындатып, адамгершілік рухта тәлім-тәрбие беріп, жақсы қасиеттерді бойына дарытуда мұғалімнің еңбегі зор. Міне, сондықтан да бөбекжайда ұстаздар күні қарсаңында бөбекжай қызметкерлеріне құрмет көрсетіп, үздіктерін марапаттау дәстүрге айналған. Биыл да аталған дәстүр үзілмей, білім саласында еңбегі зор марапаттау шарасы жоғары деңгейде өтті. Бөбекжай басшысы әрбір қызметкерге еңбек жолына шығармашылық табыс тілей отырып, марапаттады.