10
октябрь
2025
«Сюжеттік-рөлдік ойын арқылы балалардың функционалдық сауаттылығын ұлттық құндылықтармен үйлестіру» тақырыбында интерактивті-креативті форматтағы жоғары деңгейдегі семинар-практикум
2025 жылдың 10 қазанында бөбекжай базасында «Сюжеттік-рөлдік ойын арқылы балалардың функционалдық сауаттылығын ұлттық құндылықтармен үйлестіру» тақырыбында интерактивті-креативті форматтағы жоғары деңгейдегі семинар-практикум өткізілді. Іс-шараның ұраны – «Ойна — үйрен, үйрене отырып — өмір сүр!» болды. Семинарға тәрбиешілер, педагог-психолог, музыка жетекшісі және ата-аналар клубының мүшелері белсене қатысты. Бастапқы мотивациялық блокта «Бала – ойынмен өмір сүреді» бейнеролигі көрсетіліп, қатысушылар ой-пікірлерімен бөлісті.
Шығармашылық серпіліс кезеңінде «Ұлттық қазына» квест-ойыны ұйымдастырылып, педагогтер ұлттық заттар арқылы тәрбиелік мәнін ашты. Теориялық бөлімде әдіскер «Сюжеттік-рөлдік ойын – функционалдық сауаттылықтың бастауы» атты қысқаша таныстырылымын ұсынды. Практикалық алаңда үш топ өздерінің сюжеттік-рөлдік ойын үлгілерін сахналап, («Балалар асханасы», «Кіші базар», «Жолаушылар керуені») тәжірибе алмасты.
Талдау сәтінде қатысушылар ойын барысында дамыған негізгі дағдыларды талдап, «Анализ шеңбері» әдісі арқылы өз ойларын ортаға салды. Инновациялық тәжірибе бөлісу кезеңінде педагогтер ұлттық мазмұндағы ойын үлгілерін ұсынды. Рефлексия бөлімінде қатысушылар онлайн кері байланыс беріп, алған әсерлерін білдірді.
Қорытынды сөзінде әдіскер семинардың маңызын атап өтіп, ұлттық ойындарды кіріктіре отырып балалардың функционалдық сауаттылығын дамыту бойынша нақты ұсыныстар айтты. Іс-шара жоғары деңгейде ұйымдастырылып, педагогтердің кәсіби және шығармашылық әлеуетін арттыруға зор ықпал етті.