№3 педагогикалық кеңес Тақырыбы: «Әр бала ерекше. Барлық балалар тең!»

2025 жылғы 24 қаңтарда бөбекжайда «Әр бала ерекше. Барлық балалар тең!» тақырыбында №3 педагогикалық кеңес өтті. Кеңестің мақсаты – ерекше білім беру қажеттіліктері бар балалармен жұмысты жетілдіру және педагогтердің инклюзивті білім беру бойынша құзыреттілігін арттыру.

Жиында №2 педагогикалық кеңестің шешімдерінің орындалуы қаралып, ерекше балалардың білім беру траекториясын дамыту және түзету жұмыстарының қорытындылары талқыланды. Теориялық бөлімде қазақ ауыз әдебиеті, ертегілер және ұлттық ойындардың маңызы талқыланып, тәжірибелік бөлімде психотренинг пен оқу бағдарламасын игеру бойынша мониторинг нәтижелері ұсынылды.

Кеңес «Бәрін өзім жасай аламын» атты балалар шығармашылық көрмесімен аяқталды. Жиын барысында ерекше балалармен жұмысты жақсартуға бағытталған нақты ұсыныстар берілді.